2026 yilning 10-12-noyabr kunlari Toshkent shahrida “Taʼlim va taʼlim texnologiyalari – TaʼlimExpo/ISUE” xalqaro koʻrgazmasi boʻlib oʻtadi
2026 yilning 10-12 noyabr kunlari Toshkent shahrida “Ta’lim va ta’lim texnologiyalari – Ta'limExpo/ISUE” xalqaro ko‘rgazmasi bo‘lib o‘tadi.
“Yangi Oʻzbekiston” taraqqiyot strategiyasining asosiy yoʻnalishlaridan biri boʻlgan taʼlim tizimida keng koʻlamli islohotlar mamlakatimizda amalga oshirilmoqda. Prezidentimiz Shavkat Mirziyoyev taʼlim mamlakatni modernizatsiya qilish, yoshlarni XXI asr muammolariga tayyorlash poydevori ekanligini qayta-qayta taʼkidladi. Soʻnggi yillarda mamlakatimizda yangi taʼlim standartlari faol tatbiq etilmoqda, zamonaviy maktab va oliy oʻquv yurtlari barpo etilmoqda, raqamli texnologiyalar joriy etilmoqda, talab yuqori boʻlgan kasb-hunarlarni tayyorlash dasturlari amalga oshirilmoqda. 2026-yilning “Yoshlarni zamonaviy kasb-hunarlarga oʻrgatish yili” deb eʼlon qilinishi ramziy qadam boʻldi.
Ushbu oʻzgarishlar fonida 2026-yilning 10-12-noyabr kunlari Toshkent shahrida “Taʼlim va taʼlim texnologiyalari – TaʼlimExpo/ISUE” koʻrgazmasi boʻlib oʻtadi.
Tadbirda taʼlim muassasalari, “EdTech” kompaniyalari, davlat va xalqaro tashkilotlar, biznes hamjamiyati, akademik doiralar va ekspertlar inson kapitalini rivojlantirishning strategik yoʻllarini – maktabgacha taʼlim va maktab taʼlimidan tortib, tez oʻzgarib borayotgan mehnat bozorida mutaxassislarni kasbiy qayta tayyorlash va malakasini oshirishgacha boʻlgan strategik yoʻllarni muhokama qilish uchun yigʻilishadi.
Uzluksiz taʼlim, oʻquv jarayoniga innovatsion texnologiyalarni joriy etish, “soft” va “digital skills”ni rivojlantirish, malakali kadrlar tayyorlashda davlat va biznes hamkorligi yechimlarini izlashga alohida eʼtibor qaratiladi.
“TaʼlimExpo/ISUE” barqaror iqtisodiy oʻsish va mamlakat raqobatbardoshligini oshirish maqsadlariga mos keladigan taʼlim sohasini rivojlantirish uchun ilgʻor taʼlim yechimlarini namoyish etish va yangi yondashuvlarni ragʻbatlantirish uchun yillik platformaga aylanadi.
Koʻrgazma tashkilotchilari “Iteca Exhibitions” xalqaro koʻrgazma kompaniyasi va uning hamkori “Songresses of Sentral Asia – SSA” hisoblanadi. Davlatimiz rahbarining taʼlim tizimini isloh qilish borasidagi tashabbuslaridan ruhlangan tarzda ular oʻzlarining uchinchi taʼlim koʻrgazmasini qayta tiklamoqda. Mazkur tadbir kompaniyaning iqtisodiyot va ijtimoiy hayotning strategik muhim yoʻnalishlari boʻyicha loyihalari portfelini kengaytirmoqda.
“Dunyo” AA
