Oʻzbekiston Xalqaro volfram sanoati assotsiatsiyasiga aʼzo boʻldi

Oʻzbekiston texnologik metallar kombinati (OʻzTMK) volfram sanoatining eng nufuzli tashkiloti – Xalqaro volfram sanoati assotsiatsiyasi (ITIA)ning toʻlaqonli aʼzosiga aylandi.

Oʻzbekistonning ITIAga aʼzolikka qabul qilinishi mamlakatning volfram sanoatidagi salohiyati xalqaro miqyosda eʼtirof etilganining yorqin dalilidir. OʻzTMK ushbu tashkilotga qoʻshilish orqali jahon volfram sanoatining barqaror ishtirokchisiga aylandi. Aʼzolik esa OʻzTMKga global bozor maʼlumotlari va tahlillaridan foydalanish, statistik hisobotlarni olish hamda yirik xalqaro tadbirlarda ishtirok etish imkoniyatini beradi. 

Xalqaro volfram sanoati assotsiatsiyasi volfram qazib olish, qayta ishlash va isteʼmol bozorlarini chuqur tahlil qilish, sohaga raqamli va analitik yondashuvlarni joriy etish, shuningdek, ilmiy tadqiqotlar va barqaror yechimlarni ilgari surish bilan shugʻullanadi. Bugungi kunda ITIA Yaponiya, Germaniya, Avstriya kabi texnologik yetakchi davlatlarning yirik kompaniyalari hamda ilmiy markazlarini oʻz atrofiga birlashtirgan.

“Dunyo” AA