“Open Andijan” I Xalqaro investitsiya forumi haqida
2019-yil 19-20-oktabr kunlari Andijon viloyatida “Open Andijan” I Xalqaro investitsiya forumi bo‘lib o‘tadi.
Forum Andijon viloyati bilan mahalliy va xorijiy ishbilarmon doiralar o‘rtasida mintaqada investitsiya faoliyatini amalga oshirish, investitsiya muhitini yaxshilash bo‘yicha chora-tadbirlarni ishlab chiqish va Farg‘ona vodiysida investitsiyalarni jalb qilish va iqtisodiy o‘sishni oshirish bo‘yicha samarali muloqot o‘rnatish uchun platforma bo‘lishi rejalashtirilgan.
Forumda 20 dan ortiq davlatlardan delegatsiyalar, O‘zbekistonda akkreditatsiyadan o‘tgan diplomatik vakolatxonalar rahbarlari, xalqaro moliya institutlari, mahalliy va xorijiy OAV vakillari ishtirok etishi kutilmoqda. Jami 500 dan ortiq ishtirokchilar qatnashishi ko‘zda tutilgan.
Eng ko‘p delegatsiya Hindistondan kelishi kutilmoqda. Gujarat shtatining gubernatori Vijay Rupani boshchiligidagi mehmonlarning tashrifi, shubhasiz O‘zbekiston va Hindiston mintaqalari o‘rtasidagi do‘stlik va sheriklik munosabatlari tobora mustahkamlanib borayotganining yana bir yorqin dalilidir.
Forum doirasida quyidagilarni o‘tkazish rejalashtirilgan:
- Andijon viloyati hokimi Shuhrat Abdurahmonovning Gujarat gubernatori Vijay Rupani bilan ikki tomonlama uchrashuvi;
- Andijonda Sharda universiteti filialining tantanali ochilishi;
- forum qatnashchilariga GM Uzbekistan avtomobil zavodi, shuningdek, Andijon viloyati hududida faoliyat ko‘rsatadigan boshqa korxona va kompaniyalarga tashrif buyurish.
Forumning birinchi kunidagi (19-oktabr) asosiy voqeasi forumning biznes dasturi - yalpi majlis va bo‘limlarda ishlash bo‘ladi.
Yoshlar markazida forumning yalpi majlisi ishtirokchilari bilan Andijon viloyati hokimi, Investitsiyalar va tashqi savdo vazirligi, Tashqi ishlar vazirligi rahbarlari, taniqli chet ellik mehmonlar va investorlar uchrashuvi bo‘lib o‘tadi.
Kunning ikkinchi yarmida forum ishtirokchilari Savdo-sanoat palatasi binosidagi "Made in Uzbekistan" Andijon viloyatining investitsiya va sanoat salohiyatiga bag‘ishlangan ko‘rgazmasi bilan tanishadilar. Unda “O‘zavtosanoat” AK, “Andizansilko” QK, “Sabo” MChJ, bundan tashqari “Hamkor” MChJ, “Neil Granite”, MChJ “Makrofarm” va shu kabi boshqa eksport kompaniyalari o‘zlarining eksport imkoniyatlarini namoyish etadilar.
Shuningdek, mehmonlar farmatsevtika va yengil sanoat, mashinasozlik va qurilish sanoati, meva-sabzavotni qayta ishlash bo‘limlari ishlarida qatnashadilar.
Yo‘nalishlar doirasida chet el investorlari, xalqaro moliya institutlari vakillari va viloyat tadbirkorlari ishtirokida Andijon viloyatidagi investitsiya loyihalari to‘g‘risida samarali fikr almashish kutilmoqda.
Asosan investorlar “O‘zavtosanoat” AK tomonidan taklif etilayotgan investitsiya loyihalarini mahalliylashtirishga qiziqishmoqda. Qoidaga ko‘ra, xorijiy investor, avvalambor, ishlab chiqarilgan mahsulotni sotish haqida o‘ylaydi. Taklif etilayotgan investitsion mahalliylashtirish loyihalarining diqqatga sazovor tomoni shundaki, ular “O‘zavtosanoat” AK kafolatli iste’molchiga egadir. Masalan, barcha avtomobillarning modellari uchun xavfsizlik kamarlarini yig‘ish bo‘yicha investitsiya loyihasi. Loyihaning taxminiy qiymati 8,6 million AQSh dollarini tashkil etadi, yaratilgan yangi ish o‘rinlarining sifati 92 kishini tashkil etadi, yillik aylanma mablag‘ hajmi 12 million AQSh dollarini tashkil etadi va “UzAvtoMotors” OAJ tomonidan ishlab chiqarilgan mahsulotlarning 100 foiz iste’molchisi hisoblanadi.
Mashinasozlik sanoatidagi 17 ta shunga o‘xshash mahalliylashtirish loyihalari xorijiy investorlarga taqdim etiladi, ularni amalga oshirish davomida 280 mln. AQSh dollari miqdorida investitsiyalar jalb qilinishi va 1340 ta yangi ish o‘rinlari yaratilishi kutilmoqda.
Tarmoqning faoliyati natijasida G2B va B2B formatida aniq kelishuvlar va shartnomalar imzolanishi ta’minlanadi.
Forumning ikkinchi kunida (20-oktabr) ishtirokchilar Andijon viloyatining Xonobod shahridagi sayyohlik salohiyati bilan tanishadilar.
Andijon viloyat hokimligi Matbuot xizmati
